Şirkətlər > Telekommunikasiya > Rabitə operatorları
 

Bakcell

az | ru
 
 
 
 

Bakcell şirkəti Azərpoçt vasitəsilə pul köçürməsi edənlərə Ulduzum danışıq dəqiqələri hədiyyə edir!

Azərbaycanın İlk Mobil Operatoru və Aparıcı Mobil İnternet Provayderi Bakcell şirkəti Ulduzum sadiqlik proqramı çərçivəsində Respublikanın vahid dövlət poçt operatoru olan “Azərpoçt” MMC ilə əməkdaşlığa başlayıb. Artıq Azərpoçtla ən azı 10 AZN məbləğində pul köçürmələri edən hər bir şəxs Ulduzum sadiqlik proqramı tərəfindən şəbəkədaxili danışıqlar üçün pulsuz 5 dəqiqə əldə edəcək.

“Bakcell”dən bonus dəqiqələrini qazanmaq üçün Ulduzum istifadəçisi respublikanın istənilən nöqtəsində yerləşən Azərpoçt ofisinə yaxınlaşaraq, ən azı 10 AZN məbləğində pul köçürməsini həyata keçirməlidir. Bu zaman abunəçi mütləq öz Bakcell nömrəsini Azərpoçt əməkdaşına təqdim etməlidir. Pul köçürməsi həyata keçirildikdən sonra Ulduzum istifadəçisinın təqdim etdiyi Bakcell nömrəsinə 10 rəqəmli kod SMS vasitəsilə göndərilir. Müştəri aldığı 10 rəqəmli kodu 5555-ə SMS vasitəsilə yollayır və 5 dəqiqə abunəçinin təqdim etdiyi nömrənin balansına yüklənilir. Göndərilən SMS-in qiyməti 3 qəpikdir. Əldə olunan bonus dəqiqələri 3 gün ərzində istifadə oluna bilər. Qeyd edək ki, bu kampaniya 31 dekabr 2015-ci il tarixinə qədər  davam edəcək.Kampaniya barədə ətraflı məlumat əldə etmək üçün keçid: http://www.bakcell.com/az/get-ulduzum-bonuses-at-azerpost

Abunəçilərinin sayı 1.4 milyondan  artıq  olan Ulduzum sadiqlik proqramının tərəfdaş siyahısında 130-dan çox seçilmiş restoranlar, dəbdəbəli geyim, aksessuar, ətriyyat, mebel, məişət cihazları və elektrotexnika mağazaları, sağlamlıq, idman və istirahət mərkəzləri və bir sıra xidmət məntəqələri var.

Ulduzum proqramına qoşulmaq üçün “1” yazıb 5555 nömrəsinə pulsuz SMS yollamaq kifayətdir.

Ulduzum proqramından istifadənin daha asan olması üçün bir müddət əvvəl abunəçilərin istifadəsinə verilən Bakcell Ulduzum applikasiyasını Android əməliyyat sistemli mobil cihazlar üçün bu keçiddən https://goo.gl/pOci5l, iOS əməliyyat sistemli cihazlar üçün isə bu keçiddən https://goo.gl/KZKuta istifadə edərək pulsuz yükləmək olar. Ulduzum applikasiyasını yükləməklə abunəçilər tərəfdaş siyahısına və endirim faizlərinə, xəritədə onlara yaxın tərəfdaşlara və öz istifadə tarixçəsinə asan keçid əldə edəcəklər.

Respublikada vahid dövlət poçt operatoru olan “Azərpoçt” MMC 74 filialı, 1500-ə yaxşın poçt şöbəsi ilə 50-dən artıq xidmət növündə dövlət tərəfindən təyin olunmuş ucuz və sərfəli tariflərlə ölkənin ən ucqar yaşayış məntəqələri də daxil olmaqla bütün ölkə ərazisində fəaliyyət göstərərək, dünyanın 50-dən çox ölkəsi ilə birbaşa poçt mübadiləsi aparır. “Azərpoçt” MMC-nin fəaliyyətləri 2013-cü ildə beynəlxalq səviyyədə dəyərləndirilərək Ümumdünya Poçt İdarəsinin keyfiyyətin idarə edilməsi üzrə qızıl səviyyəli sertifikatına layiq görülüb. Eyni zamanda sürətli poçt xidməti (EMS) üzrə də beynəlxalq sahədə  təqdirəlayiq nəticələr əldə edilib.


 
 
 
 
 
Reklam   |  Xidmətlər  |  Əlaqə  |  Biznes-portallar  |   Kabinetə giriş   |  Şirkəti əlavə etmək  |  Kataloq  
 
Müəllif hüququ © 2011-2011 biznesinfo.az. Bütün hüquqlar qorunur. Məlumatları təqdim etmiş şəxslər həmin məlumatların dəqiqliyinə görə lisenziya müqaviləsinə əsasən məsuliyyət daşıyır. Redaksiya reklam materiallarının məzmununa görə məsuliyyət daşımır.